Ma Hnin Wai

Ma Hnin Wai

Website URL:

အသက်ရှိသော တက်တူးလေး

  • Published in News
အသက်ရှိသော တက်တူးလေး
 
တက်တူးဆိုတာ ဘာကြီးလဲ။ ခန္ဓာကိုယ်အစိတ်အပိုင်းတွေမှာ မှင်နဲ့ဆွဲသားတဲ့ အနုပညာတစ်မျိုးပါပဲ။ လူတွေက ဒီဇိုင်းရှာပြီးတော့ သူတို့အတွက် ရုပ်ဆိုးဆိုးအပ်တွေနဲ့ ပုံဖြစ်အောင်ဆွဲပေးမယ့်သူဆီကို သွားကြတယ်။ နှစ်တွေကြာလာတော့ အရောင်တွေမှိန်လာပြီးတော့ ရောကုန်တယ်။ မကြာသေးခင်က တက်တူးထိုးတဲ့ခေတ်ထလိုက်သေးတယ်။ ဒါကြောင့် အသက်ကယ်ဖို့အတွက် တက်တူးတွေကို အသုံးပြုဖို့ စဉ်းစားလိုက်ကြတယ်။ အံံ့သြစရာပဲ။ ဘယ်လိုများပါလိမ့်နော်။ နည်းပညာက ထူးခြားပါတယ်။
MIT university မှ အင်ဂျင်နီယာတစ်ဖွဲ့က 3D printing နည်းပညာအသစ်တစ်ခုကိုအသုံးပြုပြီးတော့ stimuli မျိုးစုံကို တုံ့ပြန်နိုင်တဲ့ အသက်ရှိတက်တူးဖြစ်အောင် ဆဲလ်တွေကိုမျိုးရိုးဗီဇပြင်လိုက်ကြပါတယ်။ ဘာကိုဆိုလိုတာလဲ နားကိုမလည်တော့ဘူးဖြစ်နေလား။ တက်တူးတွေဟာ ထိုးထားတဲ့သူဘေးနားမှာရှိတဲ့ အန္တရာယ်ရှိတဲ့အရာတွေကို တုံ့ပြန်နိုင်ပါတယ်။ အဲဒီလို ယာယီတက်တူးလေးတွေကို အသက်ရှိတဲ့ဆဲလ်တွေနဲ့ ပြုလုပ်ထားတာဖြစ်ပါတယ်။ သူတို့ရဲ့ prototype လေးတွေကိုကြည့်ရတာတော့ သစ်ပင်အကိုင်းအခက်လေးတွေအတိုင်းပါပဲ။
ယာယီတက်တူးလေးတွေဟာ ခန္ဓာကိုယ် သဘာဝအတိုင်း ဆွဲဆန့်နိုင်ပါတယ်။ တစ်ရက်လောက်စွဲနေပြီး ဖြစ်နိုင်တဲ့အန္တရာယ်တွေကို ခံစားပေးနိုင်မှာပါ။ သုတေသီတွေဟာ နို့တိုက်သတ္တဝါတွေရဲ့ဆဲလ်နဲ့ စမ်းသပ်ခဲ့ပေမယ့် ဒီနည်းပညာကို ခံနိုင်ရည်မရှိတာတွေ့ခဲ့ပါတယ်။ သူတို့ဟာ 3D-printing လုပ်ချိန်မှာ ခံနိုင်ရည်မရှိတာကို တွေ့ရပါတယ်။ UV နဲ့ထိတွေ့မှုက သူတို့ကို သေဆုံးသွားစေပါတယ်။ ဒါကြောင့် ဘတ်တီးရီးယားတွေကို အသုံးပြုတာပါ။ ကောင်းတဲ့အချက်ကတော့ ဖိအားတွေကိုခံနိုင်တယ်။ အရေပြားနဲ့လည်း အလွယ်တကူတွယ်ငြိနိုင်ပါတယ်။ ဘတ်တီးရီးယားတွေရဲ့ဆဲလ်တွေကို အသုံးပြုပြီးတော့ ဓာတုပစ္စည်းတွေနဲ့ ပေါင်းစပ်ကာ ဆဲလ်တွေအသက်ရှင်နေနိုင်ဖို့အတွက် မင်ရည်၊ ဆဲလ်၊ အာဟာရတွေကိုပါ ဆက်လက်တီထွင်ခဲ့ရပါတယ်။
ဒီနည်းပညာကို အသက်ရှိတက်တူးလေးအသွင် သရုပ်ပြခဲ့ပါတယ်။ ပါးလွှာပြီးတော့ ထွင်းဖောက်မြင်နေရတဲ့ pattern လေးတွေက သစ်ပင်အကိုင်းအခက်လေးတွေလိုပါပဲ။ သစ်ပင်ရဲ့ တစ်ကိုင်းချင်းစီက ဓါတု၊ မော်လီကျူးတစ်မျိုးစီကို ခံစားနိုင်စွမ်းရှိကြပါတယ်။ တုံ့ပြန်မယ်ဆိုရင်တော့ အဲဒီအပင်လေးတွေက အလင်းလေးတွေ လင်းနေမှာဖြစ်ပါတယ်။ ဒါကြောင့် ကျွန်တော်တို့မမြင်နိုင်တဲ့ အန္တရယ်တွေကို ခံစားလို့ရမှာပါ။
အပင်ရဲ့အစိတ်အပိုင်းတွေက အရောင်လေးတွေ ပြောင်းလဲနိုင်စွမ်းရှိကြပါတယ်။ အချို့အကိုင်းတွေကတာ့ အခြားသူတွေရဲ့ အချက်ပြမှုကို တုံ့ပြန်နိုင်အောင် လုပ်ဆောင်ထားတာမျိုးလည်း ရှိပါတယ်။ ဒါကြောင့် element တွေရဲ့ ပေါင်းစပ်မှုကို ခြားနားကွဲပြားစွာသိနိုင်စေမှာပါလို့ ပညာရှင်တွေက ရှင်းပြထားပါတယ်။ အကြောင်းအရာတစ်ခုတည်းကို အခြေတည်ခံစားလိုက်တဲ့အခါမှာ တချို့ကတော့ အန္တရာယ်ရှိနိုင်ပေမယ့် တချို့ကတော့ ဒုက္ခမပေးနိုင်ပါဘူး။
အန္တရာယ်ကိုသတ်မှတ်နိုင်ခြင်းက လွယ်ကူသွားပါပြီ။ ဒါပေမယ့် ဒါကအဆုုံးသတ်မဟုတ်သေးပါဘူး။ ဒါဟာ အစပဲရှိသေးတာပါ။ သူတို့ကို ဆေးပညာနယ်ပယ်မှာ အသုံးချဖို့ကိုလည်း လုပ်ဆောင်သွားနိုင်ပါတယ်။ ဆေး၊ ကွန်ပေါင်း၊ ဂလူးကို့စ်တွေကို အချိန်ကိုက်ပြီး ထိုးသွင်းတာမျိုးပေါ့။ ဘယ်လောက်မိုက်မလဲဆိုတာ စဉ်းစားကြည့်လိုက်ပါဦး။ တက်တူးလေးတစ်ခုက သင့်ရဲ့ကျန်းမာရေးကို စောင့်ကြည့်နေပြီးတော့ လိုအပ်တာတွေကို ဆုံးဖြတ်ပေးသွားမယ်။ ဘယ်အချိန်မှာ ဘယ်ဆေးသောက်ရမလဲဆိုတာကို ပြောပေးနိုင်တော့မှာပါ။
ဒီစနစ်ကြောင့် ကျွန်တော်တို့ရဲ့ ခန္ဓာကိုယ်ကို ပြုစုစောင့်ရှောက်တဲ့ပုံစံတွေ ပြောင်းလဲသွားမယ်။ နာဖျားမှာကြောက်နေရတဲ့ဖိအားတွေ နည်းသွားမယ်။ အန္တရာယ်ရှိတဲ့ရောဂါတွေ၊ အဆိပ်မိတာတွေကနေလည်း ကာကွယ်နိုင်တော့မှာပါ။
Read more...

5G ဆိုတာ ဘာလဲ

  • Published in News
5G ဆိုတာ ဘာလဲ
 
5G ဆိုတာ ခေတ်စားနေပြီမို့ သိထားသင့်တဲ့အချက်လေးတွေကို ဖော်ပြပေးလိုက်ပါတယ်။
နှေးပေမယ့် သေချာပါတယ်။ ကျွန်တော်တို့ဟာ အင်မတန်မှမြန်ဆန်တဲ့ 5G နည်းပညာဆီကို နီးသထက် နီးလာပြီဆိုတာကတော့ မြေကြီးလက်ခတ်မလွဲပါဘဲ။
ဒီတော့ 5G အကြောင်းကလည်း သိထားသင့်တဲ့အကြောင်းအရာတစ်ခုပဲ မဟုတ်ပါလား။

၁။ တကယ် တကယ့်ကို မြန်ဆန်ပါတယ်

ဟုတ်ပါတယ်။ ဒါကလည်း မြင်သာပါတယ်။ ဒါပေမယ့် နားလည်ထားဖို့လိုတာကတော့ 5G က လက်ရှှိ 4G LTE အမြန်နှုန်းနဲ့ယှဉ်ရင် ဘယ်လောက်ပိုမြန်မလဲ။ 5G ဟာ လက်ရှိသုံးနေတဲ့ LTE ထက်တော့  အဆပေါင်းများစွာမြန်ဆန်မှာ မဟုတ်ပါဘူး။ ဒါပေမယ့် အိမ်မှာတပ်ထားတဲ့ broadband ထက်တော့ သိသိသာသာ မြန်ဆန်မှာပါ။
ယူအက်စ်မှာရှိတဲ့ အမြန်ဆုံး 4G download နှုန်းကတော့ 19.42 Mbps ဖြစ်ကြောင်း OpenSignal က အတည်ပြုပေးထားပါတယ်။ 5G ကတော့ GB လောက်တက်လိမ့်မယ်လို့ ပြောကြားထားပါတယ်။
Qualcomm ရဲ့ ပထမဆုံးသော 5G modem ဖြစ်တဲ့ Snapdragon X50 ကတော့ အမြန်နှုန်းကို 5gbps အထိထောက်ပံ့ပေးနိုင်ပါတယ်။ ဒါဟာ ယူအက်စ်မှာရှိတဲ့ အမြန်ဆုံး LTE ထက် ၂၅၇ ဆ ပိုမြန်ပါတယ်။ ဒါကတော့လက်ရှိ 5G modem ရဲ့ ပထမမျိုးဆက်သာ ရှိပါသေးတယ်။ နောက်မျိုးဆက်တွေမှာ မြန်ဆန်လာနိုင်ပါတယ်။

၂။ အမြန်နှုန်းတစ်ခုတည်းသာ မဟုတ်ပါဘူး

အမြန်နှုန်းတစ်ခုတည်းလားဆိုတော့ မဟုတ်ပါဘူး။ 5G ဟာ မြန်ဆန်တဲ့ data connection ရှိတာ ဟုတ်ပါတယ်။ ဒါပေမယ့်လည်း ဒီထက်မကတဲ့အရာတွေ ရှိနေပါသေးတယ်။
5G ရဲ့ တစိတ်တပိုင်းအနေနဲ့ မိုဘိုင်းလ်ကွန်ရက်တွေကို များပြားတဲ့ပမာဏတွေယူဆောင်လာတာမို့ အရင်ထက်မြန်ဆန်တဲ့ data connection တွေကို အသုံးပြုနိုင်စေတာပါ။ ပွဲကြီးတစ်ခုကိုသွားပြီးတော့ တက်ရောက်တဲ့အခါမှာ လိုင်းကျသွားတာမျိုး ဖြစ်ဖူးပါသလား။ ဒါမှမဟုတ် သုံးမရအောင် လုံးဝရပ်သွားတာမျိုးပေါ့။ ဒါဟာ 4G ရဲ့ ကန့်သတ်ထားတဲ့ပမာဏကို ရောက်ရှိသွားခြင်းကြောင့် ဖြစ်ပါတယ်။
5G ဟာ ပမာဏများပြားပါတယ်။ စတုရန်းကီလိုမီတာတစ်ခုအတွင်းမှာကို တစ်မီလျံလောက်အထိ အသုံးပြုနိုင်စေပါတယ်လို့ International Telecommunications Union ရဲ့ စံနှုန်းအရ သိရပါတယ်။
5G ဟာ 4G ထက်တော့ နှောင့်နှေးမှုအပိုင်းများမှာ upgrade လုပ်ထားတာ များပါတယ်။ ဒီလိုနှောင့်နှေးမှုကတော့ data တွေကူးပြောင်းဖို့အတွက် စောင့်ရချိန်ကို ဆိုလိုတာဖြစ်ပါတယ်။ 5G ဟာ အလွန်တရာနှောင့်နှေးတဲ့ကွန်ရက်တွေကိုပါ ထောက်ပံ့ပေးနိုင်တာမို့ အရင်ထက်တော့ ပိုမိုဆက်သွယ်ရလွယ်ကူစေမှာပါ။

၃။ 5G က ဖုန်းတွေအတွက်ပဲ မဟုတ်ပါဘူး

ဒီအကြောင်းတွေ နားလည်ပြီဆိုရင်တော့ စမတ်ဖုန်းလုပ်ငန်းအတွက်သာမက ဘယ်နေရာတွေမှာပါ 5G ဟာ ဘာကြောင့်အရေးကြီးနေရသလဲဆိုတာ သိထားဖို့လိုပါတယ်။ ချိတ်ဆက်ထားတဲ့ device တိိုင်းအတွက် အသုံးပြုနိုင်စွမ်း ရှိလို့ပါပဲ။
ဒီနည်းပညာဟာ  မောင်းသူမဲ့ကားတွေအတွက်လည်း အရေးကြီးပါတယ်။ သူတို့ဟာ တစ်ကမ္ဘာလုံးကို မြန်ဆန်စွာ ချိတ်ဆက် ဆက်သွယ်နိုင်ဖို့လို်အပ်ပါတယ်။ နှောင့်နှေးမှုနည်းပါးပြီးတော့ ပမာဏများပြားခြင်းဟာ ကားတွေအတွက် ပတ်ဝန်းကျင်နဲ့ မြန်ဆန်စွာချိတ်ဆက်နိုင်တာမို့ အပြည့်အဝကို ကိုယ်ပိုင်ဆုံးဖြတ်ချက်တွေ ချခွင့်ပေးနိုင်ပါတယ်။ သုံးစွဲသူနည်းပညာတွေဖြစ်တဲ့ wearables ၊ virtual reality headsets ၊ PCs နဲ့ စမတ်ဟုမ်းပစ္စည်းတွေဟာ 5G ရဲ့ကျေးဇူးနဲ့ အတော်လေးကို တိုးတက်လာနိုင်ပါတယ်။ နေ့စဉ်လုပ်ဆောင်ချက်တွေဖြစ်တဲ့ လူမှုကွန်ရက်အသုံးပြုခြင်း၊ ဗွီဒီယိုဖုန်းခေါ်ဆိုမှုသုံးခြင်းတွေကလည်း တိုးတက်ပြောင်းလဲလာနိုင်ပါတယ်။

၄။စျေးသက်သာမှာ မဟုတ်ပါဘူး

အားနည်းချက်ကတော့ မြန်ဆန်တဲ့နှုန်းထားက စျေးကြီးစေလို့ပါပဲ။ Sprint ရဲ့ စီအီးအိုဟာ 5G အတွက် အကန့်အသတ်မဲ့ data ကို $20 ကနေ 30 အထိ ရနိုင်မယ်လို့ ခန့်မှန်းထားပါတယ်။
အခြားသော carriers တွေကတော့ စျေးနှုန်းအပေါ်မှာပြောထားတာ မရှိေသေးပါဘူး။ ဒါပေမယ့် သမိုင်းကြောင်းအရတော့ စျေးနှုန်းတွေက တိုးလာတာပါ။
ဒါပေမယ့်လည်း ဒါဟာ သတင်းဆိုးတော့မဟုတ်ပါဘူး။ Qualcomm လို ကုမ္ပဏီမျိုးတွေဟာ စျေးနှုန်းအပေါ်မှာ အကောင်းမြင်ကြပါတယ်။ သူတို့အနေနဲ့ 5G စထွက်လာပြီဆိုတာနဲ့ ကိုက်ညီတဲ့ device တွေကို ထုတ်လုပ်နိုင်တော့မှာမို့လို့ပါ။ ဘယ်လောက်ကြာမလဲဆိုတာကတော့ ပြောရခက်ပါတယ်။
 
၅။ 5G ကို မရနိုင်သေးပါဘူး

မနှစ်ကတည်းက တိုးတက်မှုလေးတွေကို မြင်ရပေမယ့်လည်း လက်ရှိအသုံးပြုနေတဲ့ 4G လိုမျိုးတော့ ရနိုင်ဖို့ စောင့်ရဦးမှာပါ။ Carriers တွေနဲ့ hardware ထုတ်လုပ်သူတွေကလည်း ၂၀၁၉ အတွက် စတင်ပြင်ဆင်နေကြပါပြီ။
ဒါပေမယ့် လုပ်ငန်းအများစုသဘောတူထားတာကတော့ 5G ကို အစောဆုံးမြင်နိုင်တဲ့ ကာလကတော့ ၂၀၂၀ို့ ပြောထားပါတယ်။ 5G စတင်ထွက်လာတဲ့ကာလမှာတော့ ဘတ်ထရီအားနည်းတာ၊ မငြိမ်တာမျိုးတွေလည်း ကြုံရနိုင်ပါတယ်။
 
Read more...

သင့်ဖုန်းက ရာဇဝတ်ကောင်တွေရဲ့ လွှမ်းမိုးမှုအောက်မှာ ရှိနေသလားဆိုတာ စစ်နိုင်တဲ့ ကုဒ်များ

  • Published in News
သင့်ဖုန်းက ရာဇဝတ်ကောင်တွေရဲ့ လွှမ်းမိုးမှုအောက်မှာ ရှိနေသလားဆိုတာ စစ်နိုင်တဲ့ ကုဒ်များ

လုံခြုံစိတ်ချရမှုက ကျွန်တော်တို့ရဲ့ ထိပ်တန်းဦးစားပေးဖြစ်သင့်ပါတယ်။ ကုဒ်လေးနည်းနည်းလောက််ရိုက်လိုက်တာနဲ့ ဖုန်းရဲ့ settings အကြောင်းပိုသိရှိနိုင်ပြီးတော့ သင့်ရဲ့မက်ဆေ့ချ်နဲ့ သတင်းအချက်အလက်တွေက ကာကွယ်ထားရဲ့လား၊ ထောက်လှမ်းခံနေရပြီလားဆိုတာကို ကြည့်နိုင်ပတယ်။
ဒါကြောင့် စမတ်ဖုန်းအတွက်အသုံးဝင်တဲ့ ကုဒ်တွေကို ဆောင်းပါးတစ်ခုတည်းမှာ စုစည်းပေးထားပါတယ်။ ဒါကြောင့် သင်စိတ်ပူနေတဲ့အကြောင်းက တကယ်ပဲဟုတ်ရဲ့လားဆိုတာကို စစ်ဆေးကြည့်လိုက်ပါ။
 
 
*#21#
ဒီကုဒ်ကတော့ သင့်ရဲ့ဖုန်းခေါ်ဆိုမှု၊ မက်ဆေ့ချ်နဲ့ အခြားသောအချက်အလက်တွေက တခြားကိုရောက်နေသလား စစ်ကြည့်နိုင်ပါတယ်။ အမျိုးအစားအလိုက် ဖော်ပြပေးသွားမှာ ဖြစ်ပါတယ်။ ဒီလုပ်ဆောင်ချက်ကတော့ ကိုယ့်ရဲ့ချစ်သူ၊ မိသားစုဝင်တစ်ယောက်ကနေပြီးတော့ လုပ်ဆောင်ထားတာမျိုးလည်း ဖြစ်နိုင်ပါတယ်။ လူကြီးတွေက ဒီလုပ်ဆောင်ချက်ရဲ့ သားကောင်ဖြစ်လာနိုင်ပြီးတော့ သူစိမ်းတစ်ယောက်က ဖုန်းခဏလောက်ဆိုပြီး တောင်းလိုက်ကာ ကုဒ်တွေထည့်သွားနိုင်ပါတယ်။ လုပ်ထားတယ်ဆိုရင်တော့ သူတို့နေထိုင်တဲ့နေရာ၊ သူတို့သူငယ်ချင်းတွေ၊ မိသားစုတွေနဲ့ အလေ့အကျင့်များ၊ နေ့စဉ်လုပ်ဆောင်ချက်များကိုလည်း သိရှိသွားနိုင်ပါတယ်။ နောက်ပြီးတော့ ရာဇဝတ်ကောင်တွေအတွက် ငွေကြေးအချက်အလက်တွေပါ ရနိုင်သွားမှာပါ။
 
*#62#
ဒီကုဒ်ကိုနှိပ််လိုက်မယ်ဆိုရင်တော့ ဖုန်း၊ မက်ဆေ့ချ်နဲ့ အချက်အလက်တွေက သင့်ဆီကိုမရောက်နိုင်တဲ့အခါမျိုးမှာ ဘယ်ကိုရောက်သွားသလဲဆိုတာကို ကြည့်နိုင်ပါတယ်။ သင့်ရဲ့အချက်အလက်တွေကို သင့်ရဲ့ဆဲလ်ဖုန်း အော်ပရေတာနံပါတ်ဆီကို ပို့နိုင်ပါတယ်။
 
##002#
ဒါလေးကတော့ ဖုန်းကနေအခြားဖုန်းကို ဖုန်းခေါ်ဆိုမှုတွေ လွှဲပြောင်းပေးတဲ့mode ကို ပိတ်လိုက်တာဖြစ်ပါတယ်။ ဒါကတော့ roaming မလုပ်ခင် သုံးသင့်ပါတယ်။ ဒါကြောင့် သင့်ရဲ့အကောင့််ထဲက ပိုက်ဆံတွေကို လွှဲပေးထားတဲ့ ဖုန်းနံပါတ်က အသုံးပြုလို့မရတော့ဘူးပေါ့။
 
*#06#
ဒီကုဒ်လေးကတော့ IMEI (International Mobile Equipment Identifier) လေးကို ပြသပေးမှာပါ။ ဒီနံပါတ်တွေကိုသိမယ်ဆိုရင်တော့ သင့်ရဲ့ဖုန်းကို အခိုးခံရရင် ရှာနိုင်မှာပါ။ ဖွင့်ထားမယ်ဆိုရင်တော့ သူ့ရဲ့တည်နေရာကို network အော်ပရေတာမှတစ်ဆင့် ထောက်လှမ်းနိုင်ပြီးတော့ သင့်ဖုန်းရဲ့ မော်ဒယ်လ်နဲ့ နည်းပညာပိုင်းဆိုင်ရာအချက်အလက်တွေကို ရှာနိုင်ပါတယ်။
ဂျိမ်းစ်ဘွန်းကုဒ်
သင့်ရဲ့တည်နေရာကို တစ်ယောက်ယောက်ဆီ ပို့ပေးနိုင်တဲ့ စပါယ်ရှယ်ကုဒ်လေး ဖြစ်ပြီးတော့ တစ်ယောက်ယောက်က သင့်ကိုထောက်လှမ်းနေသလားဆိုတာကို ဆုံးဖြတ်နိုင်ပါတယ်။ ဒီကောင်လေးတွေကို အသုံးပြုဖို့အတွက်တော့ utility netmonitor လိုအပ်ပါတယ်။ တခုခုကို ရိုက်ကြည့်ပါ။
 
iPhone: *3001#12345#*
Android: *#*#4636#*#* or *#*#197328640#*#*
အဆင့်တစ် ။ UMTS Cell Environment မှတစ်ဆင့် UMTS RR info ကို သွားပါ။ Cell ID အောက်ကနံပါတ်တွေအားလုံးကို ချရေးပါ။ အဲဒီနံပါတ်တွေကတော့ အနီးနားက basic stations ရဲ့ နံပါတ်တွေဖြစ်ပါတယ်။ အကောင်းဆုံးလိုင်းတွေကိုထုတ်လွှင့်နေတဲ့ဆီကို အလိုအလျောက်ချိတ်ပေးသွားပါလိမ့်မယ်။
အဆင့်နှစ် ။ main menu ကို ပြန်သွားပြီးတော့ MM info tab ကို နှိပ်ပါ။ ပြီးရင်တော့ Serving PLMN လေးကို နှိပ်ပါ။ Local Area Code (LAC) အောက်ကနံပါတ်တွေကို ရေးပါ။
အဆင့်သုံး ။ အဲဒီနံပါတ်နှစ်ခုရဲ့အကူအညီနဲ့ ဘယ်ဘက်ကရေရင် လေးခုမြောက် ordinary website နဲ့ဆိုုရင်တော့ သင့်ရဲ့ဖုန်းချိတ်ဆက်ထားတဲ့ basic station ရဲ ့တည်နေရာကို သိရှိနိုင်ပါပြီ။
သင့်ရဲ့ mobile basic station ကသာ ထရပ်ကား၊ အင်တာနာကြီးကြီးရှိတဲ့ ဘတ်စ်ကားအသေးလေးဆိုရင်တော့ သံသယရှိစရာပါပဲ။ ဒါမျိုးဟာ အင်တာနက်လိုင်းမကောင်းတဲ့နေရာတွေနဲ့ ပွဲလမ်းသဘင်တွေမှာသာ အသုံးပြုလေ့ရှိကြပါတယ်။ တစ်ခုုခုများအနီးမှာရှိနေပြီဆိုရင်တော့ တစ်ယောက်ယောက်က ထောက်လှမ်းနေပါပြီ။
 
anti-virus software ကို အသုံးပြုပါ
Android သုံးမယ်ဆိုရင်တော့ ဖုန်းကိုမကြာခဏ ဗိုင်းရပ်စ်စစ်ကြည့်သင့်ပါတယ်။ PlaceRaider ကတော့ ကောင်းကောင်းဒုက္ခပေးနိုင်ပါတယ်။ သူဟာ သင့်ရဲ့ဖုန်းဟာ ဘယ်လိုယိုပေါက်တွေရှိနေသလဲဆိုတာကို ပြသပေးနိုင်ပါတယ်။ ဖုန်းထဲကိုဝင်သွားပြီဆိုတာနဲ့ အဲဒီကောင်လေးက အနားကပုံတွေကို ရိုက်ကူးပြီးတော့ သင်ရှိနေတဲ့အဆောက်အဦးကို 3D model တည်ဆောက်ပေးလိုက်ပါတယ်။ ပြီးတော့ အင်တာနက်နဲ့ချိတ်ဆက်ပြီးတော့ လိုအပ်တာတွေ စုဆောင်းပါတော့တယ်။ သင့်ရဲ့ဖုန်းကအချက်အလက်တွေနဲ့ password တွေလည်း ပါ၀င်ပါတယ်။
 
လျှို့ဝှက်ဝန်ဆောင်မှုတွေက ဘယ်လိုများ ခိုးပြီးတော့ နားထောင်ကြသလဲ
နိုင်ငံပိုင်လုံခြံုရေးအေဂျင်စီတွေကတော့ ဆဲလ်ဖုန်းအော်ပရေတာတွေနဲ့ ပူးပေါင်းပြီးတော့ တရားရုံးအတွက် လိုအပ်တဲ့သူတွေရဲ့အချက်အလက်ကို ယူလေ့ရှိကြပါတယ်။ အနည်းဆုံးတော့ သူတို့ရဲ့နောက်ဆုံးသုံးလအချက်အလက်တွေကို အသုံးပြုကြပါတယ်။
တကယ်လို့ သင့်ရဲ့ဖုန်းကလုံခြံုရေးအေဂျင်စီရဲ့ ထောက််လှမ်းခံနေရပြီဆိုရင်တောင် သင်မသိနိုင်ပါဘူး။ ဖုန်းပြောနေစဉ်မှာ ထူးခြားတဲ့အသံတွေကြားနေရရင်၊ ဘတ်ထရီက အကုန်မြန်နေရင်၊ အပူတက်လာရင်၊ မလိုအပ်ဘဲ restart ကျနေရင်တော့ ထောက်လှမ်းခံရတာထက် ဖုန်းကိုပြင်ဖို့လိုအပ်နေပြီဆိုတာ ပြသနေတာပါ။
လူတွေကတော့ ဖုန်းပြောတဲ့အချိန်ခိုးနားထောင်တာကို သိပ်မမှုကြပါဘူး။ တကယ်နားထောင်ချင်မယ်ဆိုရင် အိမ်မှာ တခုခုတပ်ထားလိမ့်မယ်လို့ တွေးကြပါတယ်။
ရာဇဝတ်သားတွေနဲ့ စပိုင်တွေရန်က ဘယ်လိုကာကွယ်ကြမလဲ။
 
Telegram ၊ Chare ၊ Wickr ၊ Signal တို့လို စိတ်ချရတဲ့ app တွေကို အသုံးပြုပါ။
လူတိုင်းကြည့်လို့အဆင်ပြေနိုင်တဲ့ အချက်အလက်တွေက ဘာဖြစ်မလဲဆိုတာ ဂရုစိုက်ပါ။ လူတိုင်းက သင့်ဖုန်းနံပါတ်နဲ့ မိသားစု၊ ချစ်ရသူ၊ ကိုယ့်နေပုံထိုင်ပုံတွေကို သိခွင့်ရှိမလား။ ကလေးငယ်နဲ့ဓါတ်ပုံရိုက်တင်ခြင်းကိုလည်း ဂရုစိုက်ပါ။
ဘယ်ကမှန်းမသိတဲ့အရာတွေကို သင့်ဖုန်ုးထဲမှာ မထည့်ပါနဲ့။ သင့်သွင်းထားသမျှ app တွေကိုလည်း စောင့်ကြည့်ပါ။ ထားလိုက်သမျှ လော့တွေခတ်ထားပါ။ မလုံခြံုတဲ့လင့်တွေကို မဖွင့်ပါနဲ့။ ဖုန်းကို နေရာတိုင်းမှာ အားမသွင်းပါနဲ့။
သင့်ရဲ့ဆဲလ်ဖုန်းအော်ပရေတာကသာ သင့်ကိုထောက်လှမ်းရေးတွေလုပ်နေမယ်ဆိုရင်တော့ explicit agreement နဲ့ ရင်ဆိုင်ရပါလိမ့်မယ်။ လူတစ်ယောက်ရဲ့တည်နေရာကို စုံစမ်းတဲ့ ၀က်ဘ်ဆိုက်နဲ့ app တွေက ရာဇဝတ်မှုအတွက်သာ အသုံးများကြပါတယ်။ သတိထားပါ။
Read more...

ဖုန်းတွေရဲ့ Airplane သို့မဟုတ် Flight mode က လေယာဉ်စီးနေချိန်မှာ ဘာကြောင့်ဖွင့်ထားသင့်သလဲ

  • Published in News
ဖုန်းတွေရဲ့ Airplane သို့မဟုတ် Flight mode က လေယာဉ်စီးနေချိန်မှာ ဘာကြောင့်ဖွင့်ထားသင့်သလဲ

flight mode ကို ပြောင်းထားဖိုကအတွက် လေယာဉ်စီးသူတွေကို လေယာဉ်မယ်လေးတွေက တောင်းဆိုလေ့ရှိကြပါတယ်။ ဒါပေမယ့်လည်း ဒီလိုသေးငယ်တဲ့စမတ်ဖုန်းလေးတွေက နည်းပညာမြင့်လေယာဉ်တွေကို ဘယ်လိုများနှောင့်ယှက်နိုင်လို့လဲဆိုပြီးတော့ ကွန်ပလိန်းတွေ တက်ကြတယ်။
ဒီတော့ ဘယ်လိုကြောင့် flight mode က အရေးပါနေသလဲဆိုတာ ကျွန်တော်နဲ့အတူတူ လေ့လာကြည့်လိုက်ရအောင်။

flight mode ဆိုတာ ဘာအတွက်ထည့်ထားတာလဲ
flight mode မှာ ကျွန်တော်တို့ရဲ့ gadgetလေးက data services အားလုံး (Wi-Fi, GSM, Bluetooth, etc) ကို ပိတ်ထားလိုက်ပါတယ်။ သင့်ရဲ့ဖုန်း၊ တက်ဘလက်ကို ရေဒီယိုအသံလှိုင်းလက်ခံသူလို့ တွေးကြည့်လိုက်ပါ။ တကယ်လို့ flight mode ကို ပြောင်းမထားဘူးဆိုရင်တော့ သူ့ဆီကနေထွက်လာတဲ့ signal တွေက လေယာဉ်ရဲ့ အလွန်ကိုမှခံစားလွယ်တဲ့ အီလက်ထရောနစ်ပစ္စည်းလေးတွေဆီကို ရောက်သွားနိုင်ပါတယ်။ ဒီတော့ အနှောင့်အယှက်ဖြစ်တာပေါ့။

ဖုန်းကို မသုုံးဘဲ ဒီအတိုင်းထားထားမယ်ဆိုရင်ရော
စမတ်ဖုန်းကို lock ချထားပြီးတော့ မသုံးဘူးဆိုရင်တောင်မှ သူက network ကို ရှာနေဦးမျာပါ။ ဒါကြောင့် သူ့ရဲ့ကြိမ်နှုန်းတွေက လေယာဉ်ရဲ့ကြိမ်နှုန်းတွေနဲ့ ထပ်သွားနိုင်ပါတယ်။ ဒါကြောင့် sleep လုပ်ထားတဲ့ gadget လေးတစ်ခုက ဘာတွေများခြိမ်းခြောက်မှုတွေဖြစ်စေနိုင်သလဲလို့ တွေးနေရင်တောင်မှ flight mode ကို ပြောင်းလိုက်ပါတော့။
တကယ်လို့သင့်ရဲ့ဖုန်းမှာ အဲဒီလုပ်ဆောင်ချက်မရှိဘူးဆိုရင်တောင် ပိတ်ထားလိုက်ပါ။

ဘာကြောင့်မို့လို့ ဒီဖုန်းလေးရဲ့လုပ်ဆောင်ချက်တွေက အန္တရာယ်ဖြစ်နေတာလဲ
သင်သိတဲ့အတိုင်းပါပဲ။ လေယာဉ်ထွက်ခွာချိန်နဲ့ ဆိုက်ကပ်ချိန်တွေက flight တစ်ခုအတွက် အခက်ခဲဆုံးအချိန်တွေဆိုတာကိုပေါ့။ ပိုင်းလော့တွေဟာ သူတို့ရဲ့လုပ်ဆောင်ချက်တွေနဲ့ မြေပြင်မှာရှိတဲ့ flight control center နဲ့ ပေါင်းစပ်လုပ်ဆောင်နေရတာပါ။ ဒါတွေအားလုံးကိုတော့ လေယာဉ်ရဲ့လမ်းကြောင်းပြစနစ်တွေကို အသုံးပြုပြီးတော့ လုပ်ရပါတယ်။ သင့် gadget လေးရဲ့ signal တွေသာရှိနေမယ်ဆိုရင် ပိုင်းလော့က traffic controller လေးက ထုတ်လွှင့်လိုက်တဲ့ သတင်းအချက်အလက်တွေကို မရနိုင်တော့ပါဘူး။ ဒါဆိုရင်တော့ အရေးပေါ်အခြေအနေကို ရောက်သွားနိုင်ပါတယ်။

ဒါဆိုရင် လေယာဉ်ပေါ်မှာ ဘယ်လိုပစ္စည်းတွေ အသုံးပြုနိုင်မလဲ
Flight တောက်လျှောက်မှာလည်း ဘယ်လိုအရာကိုပဲသုံးသုံး GSM ၊ Wi-Fi ၊ Bluetooth ကိုအသုံးပြုပြီးတော့ အချက်အလက်တွေ မမျှဝေပါနဲ့။ ဥပမာ အီလက်ထရောနစ်နာရီ (စမန်နာရီမဟုတ်)၊ ကင်မရာ၊ ဗွီဒီယိုကင်မရာ၊ အသံဖမ်းစက်၊ နားကြားကိရိယာ၊ pacemakers ။
အဲဒီလိုမျှဝေတဲ့လုပ်ဆောင်ချက်ပါတဲ့ပစ္စည်းတွေက flight ရဲ့ အဆင့်အားလုံးကို အသုံးပြုနိုင်တယ်။ ဒါပေမယ့် flight mode ပါ၀င်ရမယ်။ စမတ်ဖုန်း၊ စမတ်နာရီ၊ တက်ဘလက်၊ အီလက်ထရောနစ်စာအုပ်၊ ဒီဂျစ်တယ်အသံ၊ဗွီဒီယိုဖွင့်စက်၊ လက်ပ်တော့တောင်သုံးနိုင်ပါတယ်။ flight mode မရှိရင်တော့ Wi-Fi ပိတ်ထားခြင်းကလည်း ထိုနည်းလည်းကောင်းပါပဲ။
flight mode ကို လေယာဉ်ထွက်အပြီး မိနစ်အနည်းငယ် ဒါမှမဟုတ် လေယာဉ်မယ်ဆီကနေ ဖွင့်လို့ရပြီလို့ကြားမယ်ဆိုရင်တော့ ဖွင့်လို့ရပါပြီ။ ဒါပေမယ့် ပုံမှန် mode အတိုင်းတော့ မသုံးသင့်ပါဘူး။
အဲဒီစာရင်းတွေနဲ့ စည်းမျဉ်းတွေက လေကြောင်းလိုင်းပေါ်မှာလည်း မူတည်နေပါတယ်။ ဒါကြောင့် official website တွေမှာ စစ်ဆေးကြည့်ပါ။

နောက်ဆုံးပြောပြရမယ်ဆိုရင်တော့
ဖုန်းအနည်းငယ်လောက် အလုပ်လုပ်နေခြင်းက လေယာဉ်ပျက်မကျနိုင်ပါဘူး။ ဒါပေမယ့် လူတိုင်းက အသုံးပြုနေမယ်ဆိုရင်တော့ နှောင့်ယှက်မှုတွေက သိသာနိုင်ပါတယ်။
တခြားသူတွေရဲ့အလုပ်ကိုလည်း နားလည်ပေးပါ။ ပိုင်းလော့တွေကို အလကားအလုပ်မပေးပါနဲ့။ လေယာဉ်စီးနေချိန်မှာ ခဏလေးပဲအောင့်ထားလိုက်တာနဲ့ နောက်ပိုင်းအချိန်တွေကို ပော်ရွှင်စွာနဲ့ဖြတ်သန်းနိုင်မှာပါ။
Read more...
Subscribe to this RSS feed

Follow us

Log in or create an account